32660 ALLARIZ
| Data de construción | Séculos XII-XIII |
|---|---|
| Descricion |
A Igrexa de Santiago de Allariz é un templo románico construído entre os séculos XII (cara a 1119) e XIII. Do XII conserva a nave, con presbiterio de tramo recto e ábsida semicircular, e a portada norte, que recorda as tradicións prerrománicas con modillóns cilíndricos nas arquivoltas. Cada un destes rolos presenta unha decoración a base de rosetas e recordos castrexos. No exterior destaca a cabeceira da igrexa, cunha ábsida semicircular, cun paramento dividido en varios panos por columnas e capiteis vexetais e historiados. Este tramo semicircular da ábsida e un triunfo da decoración figurativa románica con arquearía cega. No interior a nave presenta un teitume de madeira, arco triunfal, e o tramo do presbiterio cóbrese con bóveda de canón e a ábsida con bóveda de cuarto de esfera. Conserva un frontal de altar románico decorado cunha arcada de medio punto con claras influencias do Mestre Mateo. Da capela cabe destacar a Virxe da Esperanza de Juan de Juni, renacentista, con elegante decoración xeométrica e cuberta con bóveda estrelada. Foi declarada Monumento Histórico -Artístico en 1931. |
| Campás | 3 campás (Dúas na igrexa e unha na torre do reloxo). |
| Autor | |
